Blaogin'i Lalasoa

Nisy mpizaha tany tonga tany Afrika, hono, nanontany tompon-tany iray raha misy 'requin' ny rano aty. Dia nahazo antoka izy fa tsy misy 'requin' any.

Nony tena teny amoron-drano izy ary efa niroboka mihitsy dia tsy natoky indray ka niantsoantso mafy be:

- Tena marina ve fa tsy misy 'requin' aty?

- Tena marina e! Efa nampitahorin'ny voay daholo ny 'requin' dia lasa!

Androany aho vao naheno ny hoe: "Ny mpiady tsy misy mpampionona dia ho tonga any Antaninarivo". Efa in'efatra, in-dimy aho mamerina mamaky azy fa tsy azoko mihitsy hoe inona àry ny dikan'izany? Ohabolana malagasy ve izany sa hainteny? Misy mahafantatra ny tian'izany ambara ve ianareo?

 Mba mety nahita ambara ihany aho raha hoe: "Ny mpiblaogy tsy misy vola dia ho tonga any Roma"

25 jona 2008: cyberfety-ko faharoa.

Vokatry ny cyberfety voalohany dia tsapako mila manao fanatanjahan-tena ny atidohako fa tsy mahita izay atsimo sy avaratra amin'ilay resaka internet aho. Ny soa fianatra koa e, hitako tsara tarehy tsinona ny MySpace-n'ikalamako (efa hitan-droky ny blaogy vaovaon'i Uli?); an an an fa ny tena marina i Pissoa ilay nanontany hoe maninona no tsy atao ato amin'ny blaogy malagasy ny tononkalo no naniriako hanao pejy manokana. Dia mameno azy tsikelikely ao aho.

Dia misaotra anareo rehetra: soa fa nisy ianareo!

Ka dedaka aho anie izany e :-) Mba omeo tehaka kosa ry simplex a! Sady mba mora kokoa ho an'ny mazoto mamaky tononkalo e dia ato ny masaka azo atolotra àry.

E dia aza adino ny mamela hafatra (ao amin'ny Teny farany)! Soava tsarà daholo! 

Mitady ny lafatra ka
tsy mety afa-po!
Izay ny fiainana,
mikaroka ny mahasoa
sy ny mahafinaritra.

Rehefa tsy ato amin'ny
www.metrobloggen.se/lalasoa aho izany
dia manatevina ny ato amin'ny
www.everyoneweb.fr/lalasoa indray

• Fandraisana
• Tahiry
• Tahirintsary
• Admin

• Raha mankafy Lôla
• An!?
• Eto indray fa olombelona!
• Tantara mampihomehy 2
• Raha mankafy Gavalda

• Ankapobeny [59]

• RSS 0.90
• RSS 1.0
• RSS 2.0
• Atom