Manana ny tanjony sy ny lalana alehany ny rehetra, fa izaho nifidy hanana ny ahy ho eo anelanelan'ny tsara sy ny lafatra!
Mahay mifampiahy
mampi2003 | 14 Janoary, 2008 21:49
Indray andro, hono, nisy ankizilahy mora tezitra.
Nomen-drainy harona kely feno fantsika izy ka nilaza taminy ny rainy hamantsika fantsika iray eo amin’ny tambohon-dry zareo isaky ny tezitra. Ny andro voalohany, fantsika 37 no voafantsiny. Herinandro maromaro taty aoriana nianatra nifehy ny hatezerany izy ary nihena isan’andro ny isan’ny fantsika napetany. Voamariny fa mora kokoa ny mamehy hatezerana noho ny mamantsika eo amin’ny tamboho. Nony farany tonga ny andro tsy namantsihany na fantsika iray akory aza satria tsy tezitra mihitsy izy nandritra ny tontolo andro. Dia notantarainy an-drainy izany ka hoy rainy hoe: Maninona indray raha manongotra fantsika iray isaky ny tsy tezitra hianao isan’andro? Dia nandeha teny ny andro. Tonga àry ny fotoana hilazany amin-drainy fa tsy misy na fantsika iray intsony aza eo amin’ny tamboho.Dia noraisin-drainy ny tanany ka notantanany ho eny amin’ny tamboho izy. Dia hoy rainy: Tsara ny nataonao, anaka, saingy jereo daholo ange ireo lavaka eo amin’ny tamboho nefa tsy nisy ireo mihitsy teo taloha e!Rehefa milaza zavatra noho ny hatezerana hianao dia mamela ratra sahala amin’ireo mihitsy. Toy ny manatsatoka antsy iray amin’olona dia manala izany indray. Tsy mampaninona ny hoe impiry hianao no mangataka famelana ... efa nitranga ilay ratra. Ny ratra ateraky ny teny tsy mahafinaritra dia maharary mitovy amin’ny ratra ara-batana.
Ankapobeny |
Manaraka | 
Mialoha |
Hevitra (7) | 
Verindrohy (trackback) (0)
Hevitra
Re: Mahay mifampiahy
Lalasoa | 14/01/2008, 22:28
Misaotra amin'ny toraka voninkazo, Tokinao a!
Na ny blaoginao koa aza vita tena kanto! Mirary soa!
Re: Mahay mifampiahy
ikalamako | 14/01/2008, 22:52
misy hotsakotsakoina akia a !
Re: Mahay mifampiahy
Lalasoa | 15/01/2008, 17:33
Hozy aho mantsy ny ankizy rehefa milalao hanina ao am-bava hoe: Tsakoina dia atelina!
Re: Mahay mifampiahy
sipagasy | 15/01/2008, 20:31
koa dia aleo hatelina izany ireo teny ireo fa tena voatsako ela tokoa annn,
mahafinaritra e! tohizo hatrany
fantsiho!
harilova | 17/01/2008, 21:23
saika hanoratra lahatsoratra momba ny ekomenisma aho izao dia naleoko nday tsy natao fa sao manatsoaka fantsika amin'ny hafa eo indray!!!
Ny eo aza toa vao mainka hampiana kay mo!
Tratry ny taona Lalasoa
Re: Mahay mifampiahy
Lalasoa | 17/01/2008, 22:16
Tsiambaratelon'ny fo azo notakarina iny izany, ry Harilova a!
Mirary taona sambatra ho anao koa!
Momba ahy
Mitady ny lafatra ka
tsy mety afa-po!
Izay ny fiainana,
mikaroka ny mahasoa
sy ny mahafinaritra.
Fanoroam-pejy
Fitadiavana
Kalandrier
| « | Novambra 2008 | » | ||||
|---|---|---|---|---|---|---|
| Ah | At | Ta | Ar | Ak | Zo | As |
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | ||||||
Manaôna ô
Tokinao | 14/01/2008, 22:17
Misaotra re ô. hitako koa ny tononkalonao tany @ blaogy sasany fa dia tena manan-talenta re enao. Misaotra mizara e